我的印度男友 My Indian Boyfriend

我的印度男友 My Indian Boyfriend 中文 線上看
《我的印度男友》（英文：My Indian Boyfriend），原名《我男友係好差》，係2021年上畫嘅港產片，由成家宏、陳欣妍同張建聲主演，Sri Kishore執導。套戲號稱係香港頭一套波里活電影，講一個印度男仔做咗一個香港女仔嘅男朋友。電影主題曲《印度咖喱因乜呢》由鄺旨呈主唱。套戲由開拍到準備上畫之前，叫《我男友係好差》，當中個「差」字係源自香港粵語習慣叫印度人做「阿差」，玩食字。不過2020年8月呢個名引起印度裔香港演員Bitto Singh Hartihan投訴，話個名非常冒犯。主演嘅張建聲回應話片名絕對無歧視成份，又話導演係想借電影帶出印巴人喺香港嘅生活同面對嘅問題，片名唔係譁眾取寵，只係自嘲。2021年5月頭，套戲確定同月月底上畫，同時將戲名由富有香港粵語特色嘅《我男友係好差》，改做用書面中文直譯嘅《我的印度男友》。